Pogbas i është “premtuar” transferimi në Spanjë

12:54 | 13 Shtator 2018
Arbresh Info

Agjenti i Paul Pogbas i ka premtuar francezit transferimin në Spanjë pas tri viteve në Manchester United.

Para transferimit për 89 milionë funta në United në vitin 2016, Mino Raiola i kishte thënë Pogbas se do të dëshironte të transferoj në Real Madrid ose Barcelonë pas tri viteve në “Teatrin e Ëndrrave”, transmeton portali arbresh.info.

Bazuar në një raport nga ‘MEN’, Raiola i ka thënë Pogbas: “Tri vite këtu më pas në Spanjë”.

Pogba është përfolur për transferim në Barcelonë në fillim të kësaj vere, por United refuzoi të hollat e gatshme – plus ofertën nga skuadra katalunase.

Pogba është i vendosur për të vazhduar qëndrimin në Manchester United përtej merkatos së ardhshme të muajit janar, por mund të transferohet verën e ardhshme te Barcelona që vazhdon të jetë ende e interesuar dhe duke monitoruar situatën e tij./arbresh.info/